المواقف فى حياتنا

انا عاوزكم ياريت تشاركونى فى اللعبه دى وهى عباره عن ان كل واحد بيقول على موقف بيحصله زى ما انتم عارفين ان اكيد كل واحد بيحصله مواقف عمره مابينساها منها الحلو ومنها ؟؟؟؟
بس بعدها كل واحد بياخدها بسعه صدر وبتكون عباره عن مواقف جميله وعدت
انا هابدأ معاكم بموقفين


الاول

كنا بنلعب لعبه الغمزه على احكام واتحكم عليا تصوروو اتحكم عليا بايه انى ادخل مؤمن مش المطعم

السوبر ماركت الكبير الى فى المنصوره واسحب اكبر عربيه موجودهوالف بيها مؤمن كله وهيا فاضيه وفى الاخر اجيب بنبونايه صغيره وادخل احاسب الكاشير تشوف منظر الناس هيا قاعده تضحك عليا المهم دخلت عن الكاشير العربيه كبيره طبعا وهوا مش شايف حاجه موجوده فيها فبيقولى فين حاجه حضرتك بقوله موجوده تحت فى اخر العربيه فلقى بوبنايه فلما شاف زمايلى وهما ماسكين الموبايل وبيصورو عرف انها تريقه فتصور الراجل الى بيضع لك الحاجه فى الاكياس عمل ايه جاب اكبر كيس عنده موجوده وبيقولى لو سمحت شيل معايا احسن تقيله اوى فشيلت من طرف وهوا شال من طرف والناس كلها ميته على نفسها من الضحك



تانى موقف برده



فى يوم كان فى اول اسبوع فى الدراسه داخل السكشن فلقيت واحد بيمسح الشالك بورد فبقوله لو ده سكشن استراكشر قالى اه قولته هوا المعيد لسه مادخلش قالى اه فبقوله انت جديد معانا هنا قالى اه لانى انا عارف زمايلى كلهم المهم لاقيته بيقولى على فكره فى معيد جديد هوا الى هايدينا الماده دى فقولتله اسمه ايه قالى بيقولو اسمه عمرو الحسينى قولتله ياعم سيبك هايبقى زى غيره هياخد على قفاه ويمشى سورى فى الكلمه المهم قولتله بس يا بشمهندس وحطيت ايدى على كتفه مع العلم ان السكشن كله ميت من الضحك بس ما عرفش هما كانو بيضحكوا على ايه المهم بعد ماحطيت ايدى على كتفه بقوله بص يابشمهندس سيبك من اى معيد اهم حاجه فى الماده دى الدكتور اسلام فبعد ما اتكلمنا شويه بيقولى انت اسمك ايه قولتله اسمى محمود من المنصوره وانت اسمك ايه قالى انا اسمى عمرو الحسينى اسيبكم انتم تتخيلو الموقف ده؟؟؟؟؟؟؟؟



تقبلو منى اعزب تحياتى ويارب ما اكنش تقيل عليكم

ههههههههههههههههه

نااااااااااااااااااايس توبك محمود

بس مين اكل البنوبانيه دى ههههههههههههه

وبصراحه كدا انا بقالى كتيييييييييييير قاعده افتكر اى موقف مش لاقيه

اول ما افتكر هادخل واحكي

اوك